Jeneva shahrida O‘zbekistonning Parlamentlararo ittifoq bilan hamkorlik istiqbollari muhokama qilindi
- Жанр: Yangiliklar
- Смотрели: 15
- Формат: mp4
- Дата релиза: 26-03-2024, 09:20
Senat ma’lumotiga ko‘ra, O‘zbekiston va Parlamentlararo ittifoq o‘rtasidagi o‘zaro munosabatlarni mustahkamlash masalalari, shuningdek, hamkorlikda o‘tkaziladigan tadbirlarning tashkiliy masalalari muhokama qilindi.
O‘tgan qisqa muddat ichida O‘zbekiston Parlamentlararo ittifoqning ajralmas qismiga aylangani, hamkorlikda Buxoro shahrida Barqaror rivojlanish maqsadlariga bag‘ishlangan Xalqaro parlament forumi hamda Toshkent shahrida Parlamentlararo ittifoqqa a’zo davlatlar parlamentlari ayol rahbarlari 14-sammitining muvaffaqiyatli o‘tkazilgani bunga yorqin misol bo‘la olishi alohida ta’kidlandi.
Mamlakatimiz Prezidenti Shavkat Mirziyoyevning tashabbusi bilan kelasi yili Parlamentlararo ittifoqning 150-yubiley Assambleyasi O‘zbekistonda o‘tkaziladi.
Markaziy Osiyo mintaqasida ilk bor parlament yo‘nalishidagi bunday keng ko‘lamli tadbirning o‘tkazilishi jahon hamjamiyati tomonidan O‘zbekistonning jahon siyosati markazlaridan biri sifatida e’tirof etilayotganini tasdiqlaydi.
Uchrashuvda mamlakatimizda 150-Assambleyani hamda uning tegishli majlislarini tashkil etish va o‘tkazish bilan bog‘liq masalalarga alohida e’tibor qaratildi.
– O‘zbekiston ushbu Assambleyaga mezbonlik qilayotganidan xursandmiz, chunki aynan sizning mamlakatingiz bunday sharafga munosibdir. Men Toshkentdagi yubiley Assambleyani PI va butun jahon parlamentarizmi tarixidagi unutilmas voqeaga aylantirish uchun bor kuchimni ishga solishga tayyorman – deya, ta’kidladi Tuliya Ekson.
Shuningdek, 2025 yilda Toshkentda o‘tkaziladigan tadbir yakunlariga ko‘ra Tashkilot butun jahon parlament harakatining o‘rta va uzoq muddatli istiqboldagi ustuvor yo‘nalishlarini belgilab beradigan tegishli hujjatni qabul qilishni rejalashtirayotganini ma’lum qildi.
