“Yil oxirigacha dorilarning elektron reseptiga o‘tish rejalashtirilmoqda” — SSV rahbari
- Жанр: Salomatlik
- Смотрели: 34
- Формат: mp4
- Дата релиза: 05-07-2024, 10:14
Tibbiyot va farmasevtika sohasidagi biznes vakillari bilan o‘tkazilgan ochiq muloqotda u prezident aholini xavfsiz dori vositalari bilan ta’minlash maqsadida elektron reseptlarga o‘tish bo‘yicha ko‘rsatma berganini esladi. Toshkentda davlat tibbiy sug‘urtasini joriy etish bilan to‘ldiriladigan tajriba o‘tkazilgan.
Tibbiy sug‘urta ishga tushirilgach, bemorlar dori vositalarini nafaqat “Dori-darmon” davlat dorixonasidan, balki istalgan xususiy dorixonadan elektron reseptda ko‘rsatilgan narxlarda xarid qilishi mumkin bo‘ladi. Ma’lumotlar Sog‘liqni saqlash loyihalari markaziga yuboriladi va ular asosida farmasevtika mahsulotlari uchun to‘lovlar reimbursasiya sxemasi bo‘yicha amalga oshiriladi.
Vazirning ta’kidlashicha, elektron reseptlar tufayli tadbirkorlar o‘rtasida raqobat paydo bo‘ladi. Bundan tashqari, ushbu tizim “juda ko‘p asossiz va keraksiz dori-darmonlarni” reseptlashning oldini oladi.
Avvalroq O‘zbekistondagi shifoxonalarda faoliyat yurituvchi shifokorlarning bemorlarga dori yozishida dorixonalar hamda farmchilar bilan kelishib, ular aytgan dorini tavsiya qilish amaliyotiga qachon va qay yo‘l bilan chek qo‘yilishi so‘ralgandi. Shuningdek, 2024 yil 1 yanvardan respublikaning barcha hududlarida mehnatga layoqatsizlik varaqalari va ma’lumotnomalarini faqat elektron shaklda rasmiylashtirish belgilangan.
