QAZAQ AIR aviakompaniyasi birinchi marta Samarqanddan Turkistonga muntazam reyslarni yo‘lga qo‘ydi
- Жанр: Yangiliklar
- Смотрели: 35
- Формат: mp4
- Дата релиза: 23-03-2024, 23:48
Turkistondan kelgan samolyot 22 mart kuni soat 21:10 da Samarqand xalqaro aeroportiga qo‘nib, u yerda an’anaviy tarzda suv arkasi bilan kutib olindi. Yo‘lovchilar va aviakompaniya rahbariyati vakillari delegasiya esa perronda o‘zbek xalqining an’anaviy karnay va surnay sadolari ostida kutib olindi.
Turkistondan Samarqandga birinchi reys Turkiston viloyati hokimining birinchi o‘rinbosari, shuningdek transport va turizm boshqarmasi rahbarlari boshchiligidagi delegasiyadan tashkil topdi. Tantanali uchrashuvda Samarqand viloyati hokimining turizm, sport, madaniyat, madaniy meros va ommaviy kommunikasiyalar bo‘yicha o‘rinbosari Rustam Qobilov ishtirok etdi.
Parvozlar haftasiga ikki marta quyidagi jadval bo‘yicha amalga oshiriladi:
Har bir aeroport uchun mahalliy vaqt nazarda tutilgan.
Reyslar yangi zamonaviy De Havilland Dash-8-Q400NG turbovint samolyotlarida amalga oshiriladi. Aviakompaniyaning rasmiy veb-saytida aviachiptalarni sotib olish va qo‘shimcha xizmatlarni ro‘yxatdan o‘tkazish mumkin, shuningdek, Samarqand xalqaro aeroportida 24 soatlik aviakassa faoliyat olib boradi.
Shuningdek, 23 mart kuni Turkiston delegasiyasining O‘zbekiston tomoni bilan uchrashuvi bo‘lib o‘tdi. Unda Turkiston viloyatining Samarqanddagi turizm salohiyati taqdimoti bo‘lib o‘tdi, ikki mamlakat o‘rtasida turizmni rivojlantirish, hududga xalqaro reyslarni ochish rejalari muhokama qilindi. Uchrashuv doirasida Turkiston viloyati madaniyat va turizm boshqarmasining o‘rinbosari Nurdaulet Medeuov, «Qozoqturizm» vakillari Qozog‘istonning, shu jumladan Turkiston viloyatining turizm salohiyatini namoyish etdilar.
