O‘zbekistonda bolalar va kattalarni protezlar bilan ta’minlash masalasi muhokama qilindi
- Жанр: Yangiliklar
- Смотрели: 17
- Формат: mp4
- Дата релиза: 22-03-2024, 23:22
Funksional protezlar ishlab chiqaruvchi «Motorika» va «Ortoprotez reabilitasiya servis» mas’uliyati cheklangan jamiyati tomonidan Respublikada protezlashni rivojlantirish bo‘yicha qo‘shma loyiha bo‘yicha yig‘ilish bo‘lib, korxona mahsulotlari taqdimoti o‘tkazildi. Taqdimotda Milliy ijtimoiy himoya agentligi vakillari va protez foydalanuvchilari ishtirok etdi. Motorika kiberprotezlar qatorini, reabilitasiya va malaka ko‘nikmalarini rivojlantirish dasturini, shuningdek, kiber qo‘llar orqali taktil sezgilarni uzatish sohasidagi ishlanmalarni taqdim etdi.
Bemorlar ko‘rikdan o‘tkazildi, «Ortoprotez reabilitasiya servisi» protezistlarini yuqori funksional protezlarni o‘rnatish bo‘yicha o‘qitildi. 3 nafar bola protez – bilak va qo‘lning tortish protezlari bilan ta’minlandi: 2 nafari O‘zbekiston xayriya jamg‘armalari hisobidan, 1 nafari rossiyalik xayriyachi hisobidan.
Tomonlar nogironligi bo‘lgan shaxslarni ta’minlashning yangi ekotizimini yaratish bo‘yicha o‘zaro hamkorlik, tajriba almashish va qo‘shma loyihalarga kelishib oldilar.
O‘zbekiston Respublikasi aholisini ijtimoiy himoya qilish strategiyasiga muvofiq, nogironligi bo‘lgan shaxslarni zamonaviy protez-ortopediya buyumlari bilan ta’minlash, 2030 yilga qadar ehtiyojmandlarning ehtiyojini to‘liq qoplash dasturini ishga tushirish rejalashtirilgan.
Joriy yilda Prezidentimizning «Muhtoj shaxslarni protez-ortopediya moslamalari va reabilitasiya qilishning texnik vositalari bilan ta’minlash tizimini takomillashtirish chora-tadbirlari to‘g‘risida»gi qarori qabul qilingan bo‘lib, unga ko‘ra, davlat tomonidan taqdim etilayotgan TSRning 18 dan 30 gacha turlarini ko‘paytirish kafolatlangan. 2024 yilning 1 mayiga qadar Toshkent shahri va Samarqand viloyatida, 2024 yilning 1 oktyabriga qadar respublikaning boshqa barcha hududlarida ehtiyojmand aholini protez buyumlari va reabilitasiya vositalari bilan ta’minlash tartibi joriy etiladi.
Foto: «KIBI» faol tortuvchi bilak protezining foydalanuvchisi, bolaning protezi rossiyalik xayriyachi tomonidan to‘langan.
Foto: Qo‘l tortuvchi protez va bilak protezi «KIBI»ga ega foydalanuvchilar, protezlar O‘zbekistonning ijtimoiy mas’uliyatli kompaniyasi, «Ishonch» do‘konlar tarmog‘i tomonidan to‘langan.
