Evropa Ittifoqi va BMT G‘azodagi inqirozni hal qilish uchun faol harakat qilishga chaqirdi
- Жанр: Yangiliklar
- Смотрели: 20
- Формат: mp4
- Дата релиза: 21-03-2024, 18:12
«Biz G‘azodagi urush va hozirgi halokatli gumanitar vaziyatdan juda xavotirdamiz. G‘azo ocharchilik bilan yuzlashmoqda. Buni qabul qilib bo‘lmaydi», — dedi Yevrokomissiya rahbari Bryusseldagi YEI sammiti arafasida.
«Hozirda mahbuslarni ozod qilish va G‘azoga katta hajmdagi gumanitar yordam yetkazilishini osonlashtiradigan sulh bo‘yicha imkon qadar tezroq kelishuvga erishish juda muhim», dedi u.
Von der Lyayen yana bir bor ta’kidladiki, YEI Rafahga keng ko‘lamli hujum qilish xavfi va uning himoyasiz tinch aholi uchun oqibatlaridan juda xavotirda.
Evropa Ittifoqi G‘azoga ko‘proq yordam ko‘rsatish uchun qo‘lidan kelganini qilmoqda, deya qo‘shimcha qildi u.
«G‘azo sektorida urush davom etmoqda. 7 oktyabr kuni XAMASning jirkanch harakatlarini hech narsa oqlay olmaydi. Shuningdek, Falastin xalqining jamoaviy jazolanishini hech narsa oqlay olmaydi.Bugungi kunda aholining yarmidan ko‘pi, 1 milliondan ortiq kishi halokatli ochlikka duch kelmoqda», — dedi Guterrish o‘z navbatida.
Birlashgan Millatlar Tashkiloti Bosh kotibi bu masala bo‘yicha juda kech bo‘lmay turib, zudlik bilan chora ko‘rishga chaqirdi. «Men Isroil hukumatini G‘azo bo‘ylab gumanitar yordam yetkazib berishdan to‘liq va cheksiz foydalanishni ta’minlashga va xalqaro hamjamiyatni insonparvarlik sa’y-harakatlarimizni har tomonlama qo‘llab-quvvatlashga chaqiraman», - deya qo‘shimcha qildi BMT Bosh kotibi.
