Bryusselda Yevropa Ittifoqining ijtimoiy sammiti bo‘lib o‘tdi
- Жанр: Yangiliklar
- Смотрели: 18
- Формат: mp4
- Дата релиза: 21-03-2024, 17:52
Uch tomonlama ijtimoiy sammit prezident va yuqori boshqaruv darajasidagi Yevropa institutlari va Yevropa ijtimoiy hamkorlari o‘rtasidagi muloqot uchun forumdir.
Sammitga Yevropa Kengashi rahbari va Yevrokomissiya raisi hamraislik qildi.
Evropa darajasidagi ijtimoiy sheriklar qatoriga quyidagilar kiradi: «BiznesEvropa» assosiasiyasi, Yevropa kasaba uyushmalari konfederasiyasi (ETUC), «SGI Europe» (umumiy manfaatli xizmatlar ko‘rsatuvchi korxonalar assosiasiyasi), «SMEunited» (Evropadagi kichik va o‘rta biznes assosiasiyasi), «Evrokadrlar» tashkiloti.
Ishtirokchilar quyidagi masalalarni muhokama qildilar: “Yashil bitim”ni to‘ldiruvchi Yevropa Ittifoqi sanoat strategiyasi, uning asosi sifatli ish o‘rinlari; korxonalar va ishchilarga malakali kadrlar va ishchi kuchi yetishmasligi muammosini hal qiluvchi yagona bozor.
Evropa Kengashi rahbari Sharl Mishel Yevropa Ittifoqi o‘tish davrida ekanligini aytdi.
“Evropa Ittifoqi loyihasi ikki ustunga asoslanadi: “xavfsizlik” va “raqobatbardoshlik”. Endi biz ikki tomonlama o‘zgarishlarni – iqlim va raqamli o‘zgarishlarni hal qilish uchun yangi paradigma qurmoqdamiz. Biz energiya, xizmatlar va kapital uchun ichki bozorni chuqurlashtirishimiz kerak. Shuningdek, biz kichik va o‘rta biznesning asosiy rolini e’tirof etgan holda, biznes va yagona bozorimizning raqobatbardoshligiga to‘sqinlik qilayotgan ishchi kuchi va malaka taqchilligini hal qilishimiz kerak. Shu bilan birga, bizning ijtimoiy hamkorlarimiz ushbu maqsadlarga erishishda asosiy rol o‘ynaydi”, – dedi SH.Mishel.
Sammitda Belgiya bosh vaziri Aleksandr De Kroo va Bandlik vaziri ham ishtirok etdi.
