Astronomlar 1,3 million supermassiv qora tuynuklardan iborat yangi koinot xaritasini yaratdi
- Жанр: Yangiliklar
- Смотрели: 16
- Формат: mp4
- Дата релиза: 20-03-2024, 22:04
Avstraliyaning «Cosmos» gazetasiga ko‘ra, xarita Yevropa kosmik agentligining Gaia kosmik teleskopidan olingan ma’lumotlardan foydalangan holda tuzilgan.
Gaianing asosiy maqsadi Somon yo‘li yulduzlari xaritasini yaratish bo‘lsada, asbob Somon yo‘lidan tashqaridagi narsalarni ham aniqlashga qodir.
Nyu-York universiteti professori Devid Xoggning aytishicha, ularning kvazarlar katalogi astronomiya tarixidagi koinotning eng katta hajmining uch o‘lchovli xaritasini taqdim etishi bilan avvalgilaridan farq qiladi.
«Bu eng ko‘p kvazarlarga yoki kvazarlarning eng yuqori sifatli o‘lchovlariga ega bo‘lgan katalog emas, lekin u koinotning eng katta hajmini ifodalaydi», dedi Xogg.
Kvazar katalogi astronomik loyihalar qanchalik samarali bo‘lishi mumkinligiga yaqqol misol, dedi u.
«Gaia bizning galaktikamizdagi yulduzlarni aniqlash uchun yaratilgan, ammo u millionlab kvazarlarni ham kashf etgan. Bu bizga koinot xaritasini berdi», deb ta’kidladi olim.
Astronomlarga koinot evolyusiyasini yaxshiroq tushunishga yordam beradi deb umid qilinayotgan tadqiqot natijalari Astrophysical Journal jurnalida chop etildi.