Kanada Isroilni qurollantirishdan bosh tortdi
- Жанр: Yangiliklar
- Смотрели: 18
- Формат: mp4
- Дата релиза: 20-03-2024, 19:52
Kanada Isroilga qurol sotmaydi. «TASS»ning xabar berishicha, mamlakat tashqi ishlar vaziri Melani Joli Toronto Star gazetasiga keyingi eksportdan voz kechishini ma’lum qildi.
«Bu ob’ektiv haqiqat», dedi Joli.
Dushanba kuni Kanada parlamenti ko‘pchilik ovoz bilan bosh vazir Jastin Tryudo hukumatini Isroilga qurol eksportini to‘xtatishga chaqiruvchi rezolyusiyani qabul qildi. Bu majburiy bo‘lmagan hujjat muxolifat tashabbusi bilan qonun chiqaruvchi organga taqdim etilgan.
Fevral oyida Tryudo parlament yig‘ilishida Ottava 2023 yil 7-oktabrdan boshlab Isroilga qurol eksport qilish uchun ruxsatnoma berishni to‘xtatganini aytdi.
Isroil tashqi ishlar vaziri Israel Kas Kanada rasmiylarining Isroilga qurol eksportini to‘xtatish haqidagi qarorini tanqid qildi. Uning so‘zlariga ko‘ra, Ottava shu bilan «Tel-Avivning terrorizmdan o‘zini o‘zi himoya qilish huquqini» buzmoqda.
«Tarix Kanadaning hozirgi harakatlarini qattiq baholaydi. Isroil XAMAS yo‘q qilinmaguncha va barcha garovga olinganlar uylariga qaytarilmaguncha kurashni davom ettiradi», — deb yozdi Kas X ijtimoiy tarmog‘ida.
