Qirg‘izistondagi «To‘qto‘g‘ul» suv omborida suv hajmi 7,2 mlrd kub metrgacha kamaydi
- Жанр: Yangiliklar
- Смотрели: 30
- Формат: mp4
- Дата релиза: 19-03-2024, 13:08
"To‘qto‘g‘ul" suv ombori o‘tgan asrning 70-yillari o‘rtalarida qurilgan bo‘lib, Qirg‘iziston, O‘zbekiston, Tojikiston va Qozog‘istonda suv iste’moliga ta’sir ko‘rsatmoqda. Suv omborining loyihaviy hajmi 19,5 milliard kub metrga teng.
"Kabar" xabariga ko‘ra, avvalroq Qirg‘iziston energetika vazirining o‘rinbosari Talaybek Baygaziyev "To‘qto‘g‘ul" suv omboridagi suv hajmi "o‘lik" darajaga yetishi xavfi haqida ma’lum qilgan. Uning aniqlik kiritishicha, "o‘lik" hajm salkam 6,5 milliard kub metrni tashkil qiladi.
2024 yilda "To‘qto‘g‘ul" suv omboridagi vaziyat so‘nggi 5 yildagi eng og‘ir holatga kelib qolgan. 2 fevral kuni Bishkekdagi issiqlik elektr stansiyasida avariya yuz berdi va Qirg‘izistondagi gidroelektr stansiyalar yukining oshishiga sabab bo‘ldi. Shuningdek, bu mazkur suv omboridan suvning chiqish hajmini keskin orttirdi.