O‘zbekistonning Jenevadagi doimiy vakili JST bosh direktori bilan muzokara o‘tkazdi
- Жанр: Yangiliklar
- Смотрели: 30
- Формат: mp4
- Дата релиза: 19-03-2024, 12:22
Muloqot chog‘ida O‘zbekistonning Jahon savdo tashkilotiga a’zo bo‘lish jarayonining holati va istiqbollari xususida fikr almashildi.
O‘zbekiston tomoni Jahon savdo tashkiloti bosh direktorini JSTning 13-Vazirlar konferensiyasi (2024 yil 26 fevral – 2 mart, Abu-Dabi shahri) muvaffaqiyatli o‘tkazilgani va uning doirasida ko‘p tomonlama savdo tizimini mustahkamlash bo‘yicha erishilgan muhim kelishuvlar bilan tabrikladi.
JST rahbari O‘zbekistonning tashkilotga a’zo bo‘lish borasidagi chora-tadbirlarini yuqori baholadi. Ta’kidlanganidek, so‘nggi paytlarda O‘zbekiston a’zo bo‘lish jarayonidagi sa’y-harakatlarini sezilarli darajada faollashtirdi va JSTga a’zo bo‘lish ustuvor deb topilgan davlatlar qatoridan joy oldi.
Ngozi Okonjo-Iveala O‘zbekiston JSTning navbatdagi to‘laqonli a’zosi bo‘lishiga ishonch bildirdi. Shu nuqtai nazardan, u tashkilot kotibiyati O‘zbekiston sa’y-harakatlarini har tomonlama qo‘llab-quvvatlashini tasdiqladi.
Uchrashuv yakunida JST bosh direktorining joriy yil iyun oyida O‘zbekistonga tashrifiga tayyorgarlikni boshlash, O‘zbekistonning JSTga a’zo bo‘lishi bo‘yicha ishchi guruhning 8-yig‘ilishini tezlashtirish, mutaxassislarning malakasini oshirish va qonunchilikni JST kelishuvlari va qoidalariga muvofiqlashtirishga ko‘maklashish bo‘yicha kelishuvga erishildi.