Islandiyada vulqon otilishi sababli aholini evakuasiya qilish boshlandi
- Жанр: Yangiliklar
- Смотрели: 22
- Формат: mp4
- Дата релиза: 18-03-2024, 13:30
Evakuasiya qilishni so‘raganlar orasida avvalroq seysmik faollikdan qattiq jabr ko‘rgan kichik Grindavik shaharchasi aholisi ham bor.
Islandiyaning asosiy diqqatga sazovor joylaridan biri bo‘lgan Moviy Lagundan ham odamlar evakuasiya qilindi. Vulqon otilishi paytida hududda 500 dan 600 gacha odam bo‘lgan.
Erigan lavadan ko‘tarilgan tutunga qaramay, mamlakat havo hududi ochiqligicha qoldi.
Mamlakat fuqaro muhofazasi xizmati ma’lumotlariga ko‘ra, otilish shanba kuni kechqurun Grindavik shimolidagi Xagafell va Stora Skogfell tog‘lari oralig‘ida boshlangan.
Avvalroq bu hududda vulqon 8 fevral kuni otilib chiqqan edi.
Otilish sodir bo‘lgan joydan olingan suratlarda yerdagi teshiklardan oqib chiqayotgan tutun va lava ko‘rinadi. Zarar ko‘rgan hududlar ustidan vertolyotda uchib o‘tganlar orasida bo‘lgan geofizik Magnus Tumi Gudmundsson mahalliy OAVga shanba kungi otilishni hozirgacha eng kuchlisi deb hisoblash mumkinligini aytdi.